Sainsanaa

Сэдвийг уншаад ойлгосноо ярих дадлыг сургуулийн бүх хөтөлбөрт тусгасан байдаг. Иймээс уншсан зүйлээ ойлгоод дараа нь ярих дадлыг хүүхдийг сургуульд орохоос нь өмнө хөгжүүлэхийг хичээх хэрэгтэй.

Уншиж ойлгосноо ярих чадварыг хөгжүүлэх үндсэн аргууд:

-          Өгүүллэгийн бүтэц нэг буюу хэд хэдэн үйл явдлын сэдэвтэй байх,

-          Сэдвийн агуулга, гол баатруудын дүр, үйл явдлын дарааллыг асуух (сэдвийн агуулгыг хүүхдээс асууж яриулсны дараа өөрөө ярьж өгөх)

-          Сэдвийн үйл явдал, агуулгыг дарааллуулан харуулсан зургийг ашиглан яриулах зэрэг байна. 

Сэдвийн агуулгыг уншаад ярих чадвар нь хүүхдийн хэл ярианы хөгжилтэй шууд хамааралтай. Хэл ярианы хөгжил, үгийн баялгийг хөгжүүлэх дасгал байнга хийлгэх нь ярих дадалд сайнаар нөлөөлнө. 

Бид танд зурагт дасгалыг ашиглан ярих шинэтгэсэн аргыг зөвлөж байна.

Том цаас аваад түүн дээрээ мурий зам зураарай. Түүнийхээ хажуугаар сэдвийн дэс дарааллын дагуу зургийг зуран ярилцах нь цаашдын сэтгэн бодох ой санамжийг хөгжүүлэх эергээр нөлөөлдөг: эхлээд юу болсон, дараа нь үйл явдал яаж өрнөсөн, бүх үйл явдал юугаар төгссөнийг харуулна. Зураг нь энгийн бөгөөд илүү дутуу нэмэлт зураггүй байхын зэрэгцээ мэдээлэл өгсөн шинж чанартай байвал зүгээр.      
Үүний дараа хүүхэд энэ аргачлалын дагуу эхнээс нь дуустал нь үйл явдлыг ярих ёстой. Дулааны улиралд  энэхүү дасгалыг гадаа хавтан талбай дээр шохойгоор зураад ярилцаж болох юм.