Sainsanaa

Тэргүүн байрын шагналт  11а  ангийн сурагч  Б. Мөнхбаярын

                сүүлийн шатанд 5 минутанд зохиосон шүлэг

Үйлийн үр

Хавар оройн цасанг хайлж амжаагүй агшинд

Хайрын ариун сэтгэлээ харамгүй чамд өгсөн болохоор

Халамжит ганцхан аавыгаа амирлуулж чамайг хайрласан болохоор

Хатуу хорвоогийн нугачаанд би үйлийн үртэй амьтан юмаа

Уйлах дургүй хүүхэд насандаа хэтэрхий их уйлчихсан болохоор

Угаас учрахгүй чамдаа хэтэрхий их дурласан болохоор

Уяралт ганцхан ээжийгээ умартаж чамайг хайрласан болохоор

Уудам төгөл орчлонд би үйлийн үртэй амьтан юмаа

  Ханашгүй тансаг хайрын  амтанд хэтэрхий их шунасан болохоор

Ханьсахын заяагүй хувь тавиланг сөрж чамайг энхрийлсэн болохоор

Хар цагаан, нүгэл хилэнцийг хилэгнүүлж чамайг хайрласан болохоор

Хайрын өмнө  хязгааргүй их өртэй би үйлийн үртэй амьтан юмаа!!!

Ачийг нь хариулаарай

Аав ээжийнхээ гаранд бөмбөрсөн

Алагхан хөөрхөн хүү чинь бодно

Эцэг эхийнхээ хайраар өлгийдүүлсэн

Эмзэг дэлбээ шиг хүү чинь бодно

Амьдрал гэдэг чинь богинохон шүү дээ

Амжиж хурдан баярлуулаарай

Ачийг нь бүх л насаараа баярлуул

Аав ээжийн чинь ач барагдашгүй их шүү

Дов чинь уул болог

Шалбааг чинь далай болог гэж

Хайртай намайгаа мялаасан сэтгэлийг нь

Харанхуйд унагаж бүү хутга дүр

Аав ээжийнхээ ачийг

Амиараа ч хамаагүй хайрла

Эцэг эхийнхээ ачийг

Элгээ сугалаад ч хамаагүй хариул

                                       3-р байр    9в ангийн сурагч  Төгөлдөр

Гунигт намар

Энэ жилийн шаргал намар

Миний сэтгэлд тодхон үлдэнэ

Яагаад ч юм бэ? Би энэ намрыг гунигт намар гэж нэрлэсэн

Зүрхний цохилт түг түг цохилж

Ямар нэгэн юмыг үгүйлнэ

Усны шувууд алсыг зорихоор

Миний сэтгэлд гуниг төрөвч

Дахиад буцаад ирнэ дээ гэж бодохоор

Миний сэтгэлд баяр дүүрнэ

Энэ л намар намайг баярлуулж гуниглуулж чадна

Энэ миний гунигт намар

7г  ангийн сурагч  Б.Мөнхтогтох

“Ихэмсэг оршихуй”

Охин минь чи тэнгэрлэг орш

Омогшил бадарлын дээд нь яв

Богц дүүрэн бодолтой

Бодлогшрон бүү гуньж алх

Ямарч үед өөдрөг яв

Ялгаа байхгүй бусдыг хайрла

Хэн ч муулсан бүү гутар

Хээнцэр бардам итгэлтэй амьдар

Үйлс гэгээн мөр цагаан

Үнэнч агаад эрхэмсэг орш

Уруул давсан үгэнд чинь хотлоороо уярахаар

Уянгалаг болоод тэнгэрлэг орш

Ямарч үед харц дээгүүр

Ялгуун бөгөөд эрхэмсэг орш охин минь

                                                          7д ангийн сурагч Д.Жавзмаа