Sainsanaa

Саяхан манайд хотод суурьшаад нэлээн удсан нутгийн нэгэн хөгшин ирж, миний бүхий л зураг, цуглуулгийг үзэж дуусаад, өөр үзэж харах зүйл нэхэхэд нь би сандарсандаа нутгийнхаа дууг сонсголоо.Гэтэл санаанд оромгүй явдал болж нөгөө хүн маань сонсоод л нутгийн ийм сайхан дуу байдаг юмуу гээд л, сурч авна гэж дууны үгийг бичиж, нүдэндээ нулимстай дагаж дуулаад л ийм сайхан нутагт төрсөн хүмүүс шүү дээ бид  гэж байн байн хэлж байсан юм.Нээрээ би  нутгаа маш их санасан юм байнаа. Миний төрсөн нутаг шиг сайхан нутаг. Ингээд энэ сайхан дууг үгтэй нь та бүхэнд хүргэе.

Үг С.Батмөнх                                                                                                                   Ая Г.Эрдэнэчулуун

“Говь сайхан нутаг”

  Наран төөнөж илчээрээ ээсэн

  Саран толиорч гэрлээрээ гийгүүлсэн

  Аагтай ургамлаа шимтэн налайсан

  Арвин сүргүүд  идээшлэн бэлчсэн

                                   Дундговь миний унасан газар

                                   Дуу хуурын өлгий нутаг

 Олон говийн дундаас тодорсон

 Оргилон боргилох булгууд хоржигносон

 Омог  сүртэй хадан халилууд

 Уул тал устай сүртэй говь минь

                                     Дундговь миний унасан газар

                                     Дуу хуурын өлгий нутаг

   Адуу багширсан тал нутаг минь

   Айраг бялхууулсан сөлтэй говь

   Арвин баян эрхэмсэг өлгий

  Ажилсаг түмэн нь одтой говь минь

                                          Дундговь миний унасан газар

                                          Дуу хуурын өлгий нутаг

  Өвөг дээдсийн минь үлдээж өгсөн

  Өнөөгийн бидний нандин шүтээн

  Үр ач нартаа үлдээж өвлүүлсэн

  Үүрд мөнхийн жаргалтай өргөө

                                              Дундговь миний унасан газар

                                              Дуу хуурын өлгий нутаг